Sapaat Julip 19-niat ukioq 2009

1. Ernikka tukkummata iternissama tungaanut sininnikuullunga assut iluatappunga.
2. Iterniariutaa tiilioriarlunga taqussioriarlunga, ernikka aariarlugit, ikinngutiga erneralu ilagalugit Mittarfiup ataanut asiariaratta nuannivippoq. Kalaaliminertorluta, tiitorluta, qaqortuliartorluta, iipilit sukujuillu mamartut nuannivippoq. Ikunngutigalu ernigut pinguartut innaamiannguartarluta qilammi nuissat kusanangaaqisut isiginnaajutaa, asuluunniimmi anorsaarami ippeqisinnaanata. Ilaanni meeqqat angalaaqatigisarlugit takusassarioqatigalugit, ilaanni arsaqatigisarlugit frisbeeqatigisarlugillu. Nalunanngitsumik ernigut iluataararlutik.
3. Ikinngutinnut neriartuutaa qanilleriarakku anaanama ilerra alakkarakku soorlu sunarsuaq katallugu. Ernikka ilagigakkit ilerrata eqqaanut ingeriarama malugilerpara anaanaga maqaasiuummerlugu, taamaaseriaramalu qialerlunga malugigakku Ullorissamut eqiaaqqugama qialaalerlunga. Ernera pikkoringaarmat angajuta aperimmani sunersunga akilluni: "Anaanamuna anaanani maqaasillugu qiasoq". Asu angajuata orneriarlunga aamma eqippaanga. Ilumut asanat! Taamaaseriarlunga ernikka oqaluttuuppakka anaanaga inuk qanoq ittuusimasoq, qanorlugu ernikka asatigisimanerai eqqartorlugu. Nuanneq anaanaga taamak eqqartorlugu.
4. Ikinngutinnut neriartoratta nukappiaqqat pinnguarujoortut, ikinngutiga igarujoortoq uanga sofaanut pillunga aviiserujuujutaa eqqissisimaarujoorlunga, aah sapaat ilorrisimaarnaq!
5. Kammaginerpaasara sap. ak. uagutsinni najugaqalersoq NUANNEQ!