Sisamanngorneq julip 16-anit ukioq 2009

1. Iterama iluataqaanga meeqqakka isumagisussaanagit ataataminni tukkummata. Nalunaaqutaq kingusinnerusukkut itersaasussaangortinnikuullugu, itersaammat sineqqilaaqqaarlunga.
2. Makikkama paasileriallariga peqqippallaarnanga, ippassaammalli naarlunnera iluaallineruinnarsimalluni, allaat merianngullunga. Siornatigut timera taamak pissusseqaraluartoq soqutinagu nipaallisaatinik iisiinnariarlunga suliartortarpunga ullorlu naallugu tujormerujoortarlunga, naak tujorminera takutinngikkalaurlugu. Imminut qujageqaanga ullaaq timera maluginiarluarakku angerlarsimallungalu.
3. Iminut paarerujoorninni sex and the city isiginnaarujoorakkit naa nuan.
4. Ernikka meeqqanut aagakkit ataataminniinnikuullutik, ataataminnit sammineqarnikuullutik nuannaangaaramik inequnaqaat. Malugisinnaallugu uanga tunniussinnaanngisara pisimagaat ilorrisimaartullu. Anaanaagama meeqqakka toqqissisimasut takugakku qamuuna pilluaammissutigaara.
5. Ikinngutiga iluarinngisannik iliuuseqarmat, siornatigutut nipangiutiinnarnagu, qanoq iliuuseqarlunga oqarfigigakku iluaagalugu angusaqarpunga annertuumik. Naak iluariunnaarneqarnissara merserigaluarlugu isummernera ataqqillugu oqaasinngortikkakku imminut naammagisimaarpunga