Tallimanngorneq Julip 31-iat ukioq 2009

1. Ullaaq ernima angujullip itersaleriallaraanga siniffimminut quisoorsimalluni. Pikkoringaarlunga siniga ataqqisartigalugu makillunga uffartillugu, oqorutii piiarlugit, nukaalu iteriarmat aamma uffartillugu. Makiaangaaratta piffissaqarluarluta uffareerluta siusinaarlunga suliartorlunga, aamma suliassanik ulikkaarama.
2. Ullaaq toqqaannartumik aallakaatitsillunga nuannisavissorpunga inuit eqqorluartarlugit nipilersortoqarneratalu nalaani studiami inuk kisima qitissuaartarlunga.
3. Aallakaatitassiara ataaseq marlunngoriasaarnera, tamaasalu naammassineri (pingajuat ilanngullugu) assorsuaq imminut iluarisimaarpunga. Sunaaffa toqqorsivimmiit aallakaatitsissagaluartut nutaamik immerpara. Aallakaatitassiami inunnit apersukkannik nersualaarneqarnera tigulluarpara, siornaasimasuuppat iijuminaatsissimassagaluarlugu imminut tatiginikuunngingaarama.
4. Qangali neriorsornikuusara neriartoqqujumaarlugu unnuk manna uagutsinnut neriartormat soorlu angusaqarneruinnarlunga, soorlu nerisakka mamarnerusut, iggataralu aamma mamarsarluni, taali.
5. Qilanaaqaanga ernima tutinnissaanut. Angajulliup madrasia imermik salinnikuulluni suli panersermat nuannerunartingaarakku tutinnissai kiisa aalajanginngujoorpunga innaqatigiinnarniarlugit...