Sisamanngorneq Novemberip ulluisa tallimaat ukioq 2009

1. Ullaaq anitinnanga erniga angajulleq allanartunik taquassiuukkakku nuannareqaara, nalunagu arlaatigut nuannersumik tupaallatsissallugu, ullaakkut ilagisinnannginnera iluarsiiffigalugu misigalunga.
2. FRIEND suleqatigalugu nuanneqaaq! Siullermit silami pujortarluta misigileriasaarpara qanoq pilluaritgalunga qujamasullunga suleqatigilernerani ilagisarnerata pilluarnarnersua misigeriasaarakku oqarfigisariaqarlugu asanerarlugu guutinnullu qujallunga inuuninni inummik taamak ittumik naapittissinnaammanga. Tulliani ilanngutassioriasaaratta ukioq naagujumut tulluartumik tissinavimmik.
3. Asooreerlunga nukara ilagalugu neriartorama imminut malugaanga pisumi najuunnanga ernima aanissaata erninnullu neriorsuutima piviuunngortinnissaa pingaartingaarakku nuannersumik misigisinnaasara allamiittaqattaarlunga. Imminut malugeriarama imminut uparuarpunga taamatullu imminut takusinnaanernikuunera imminut nersornaralugu. Qujanaq Nuka imminut suliarisinnaagama inuk ajunnginnerunissara anguniarakku.
4. Angerlaratta iluarsaasseriarlunga, qujanavimmik nukkama ikiorluninga, asaagama.
5. Unnummut erinarsortullu sungiusaratta ah assaa pikkunaq! Torluut atugaat inuit quliulluta atoratsigit pikkunavissorluni