Sisamanngorneq Augutsip arfernat ukioq 2009

1. Ullormut suliakka merseripajaaraluarlugit ingerlattuarsinnarakkit iluaraara.
2. Ernera angajulleq kiisami suliffinnut meeraqatinilu pulaarmata qangalu pilerigisaa piviusunngormat assorsuaq nuannaarutigaara. Ilinniartuugallarama suliffikunni siornali pulaarnialerput akunnattoortarlutalu. Qimaleraminga sequnngiimiannguarluni tulaffigalunga, nalunanngitsumik nuannisartooraq, iggu.
3. Ernera nukarleq ippassarli angumminut maqaasilersoq qanoq iliuuseqarfigigakku ataataminut tukkujartorpoq kisimi meerartaanissani pisariaqartilaarunarlugu. Ilumut qujaqaanga akisusaafimmik avitseqateqarsinnaaneq ilikkalertorakku.
4. Angerlaratta mamarluinnartunik igagama, errortalerillunga aqqaluaralu ikiortigalugu nateq saniiarlugu.
5. Unnummut erinarsoqatigisartakkakkalu sungiusaratta ah assaa pikkunaq! Tiguartisimaangaarama sequnngiinnartarlunga qitiutaa, naah nuanneq!