Sapaat Novembarip aallaqqaataat ukioq 2009

1. Ullaaq iterama isumaloqqajaallunga malugigakku ingerlaannaq isumaga iluarsisarakku iluaqaaq piginnaaneq taanna ilikkarsimallugu. Iperaasinnaallunga ippassaq pereersut susinnaanagit paasinikuullugit, ullumikkorpiaq ulloq nutaajummat namminerlu aalajangissagiga nuannersumik atorusunnerlugu. Eqqarsaatikka imaaqqajaagaluaramik nuannaartuaannartoqarsinnaangitsoq, paaseriasaarlugulu piumaguma nuannaartuaannarsinnaallunga nammineq toqqarukku!
2. Ernikka sammerujoorakkit nuannivipput-aasiit. Anaannanerup pilluarnarnera soorlu ullut tamaviisa sakkortunerusumik misinnarsilersoq paasilerlugu. Ilimagilluinnarpara uumap allattannerata inuunermi nuannersut eqqumaffiginiarnerunerini nuannersunik misiginneriaasera sakkortusiartuaartoq malugilillarlugu, nuan!
3. Ullumi suliartortariaqarlunga FRIEND-ip meeqqakka ilagimmagit toqqissisimanaqaaq. Suliara aamma nuannivikkami arnaq pissanganarluinnartoq inuiaqatigiinnut tunngasunik nuannaarnavissunik isummersoriaasilik.
4. Ualimut kuisittumut kaffisoriartoratta pilluarnaqaaq iserluni kalaaliminerpassuarnik nerisassaatillit, asulumi tunumiorpassuit taakaniikkamik inuiaallu taakku ataatsimooriaasiat nuannaartunarnermit ataqatigiiffaarittarnerat takullugu nuannertarnermit.
5. Unnummut nuannersumik allamik pisoqarpoq, misigisarlu taanna uanga nammineq pigerusuppara, paasitissinnaalluguli uannut nuannaarnarluinnarmat naammagisimaarnermillu misigititsilluni.