Arfininngorneq Julip 25-niat ukioq 2009

1. Kammaginerpaasara uagutsinni najugaqarallarami ilumut pilluarnaq ullaaq/ullumi iterama suli uagutsinniittoq makilluni. Ullaaralaakkoortarami unnukkut aatsaat takusaraluarakku, makereersoq iterlunga, asu pikeriarluta tarfivugut.
2. Ernima angajuat inuuissiormat pissaanik pisinniukkakku qujanartumik nuannaringaaramigit. Kaffisoriartorfimmut iserama, ernima angutaat taakani naapissallugit isumaqatiginikuugakkit, ernikka aneersut torlulaarfigigakkit samanngarsuaq ilisarsillutik anaanaartuutigalutik arpaannaaq ornikkaminnga uummatiga asanninnermik imaqangaarami inissaarutingajappoq.
3. Kammaga brugsenip silataani tuniniaasoq ajakkunnukannginninni nikorfaqatigigatsigu nuanivippoq. Tuniniaasoq imanngunaq ikiulaarlugu.
4. Ajannut neriartoqqusaagatta ilaquttagut allat ilagalugit, meeranniillu angajoqqaamma ikinngutai nereqatigigatsigit aliannaaqaanga malugalugulu uanga taakku akornanni imminut inissittarnera allanngorsimasoq nalittullu isiginerulersimagikka. Imminut iluarisimaangaarama erinarsualaartuinnaavunga. Nerilluataarluta, ernikka aneersuaarlutik meeraqatitillu nuannisaqatigalugit. Qasulersut malugigakkit angerlamut aqquterput aamma nuanningaarluni Inumerngup atuarfissaa aqqusaaratsigu isertarfissaat takullutigu sumiinnersoq.
5. Ullumikkut arfininngornerusoq nuannivippoq aqagu aamma sulisussaananga. Ilumut inuuneq ullumikkut soorlu nuannerneruinnartoq