Marlunngorneq Septembarip aallaqqaataat ukioq 2009

1. Ullaaq itileriallarpunga itersaatiga suli itersaanngitsoq. Sunaana taamak iluartigisoq, asulumi ernera nukarleq tutikkakku suli itinngitsoq takorniarluta iteqatigiikkatta.
2. Anguutigali-aasiit atuariartulersoq qiimmarik. Pisugani atuarfinnut aqqutaa tamaat pissikattarluni atuariartortoq nuanneq takullugu.
3. Suleqatikka arlallit utersimammata aallakaatitassiariniagara pillugu tusarniaaffigalugit nuannivippoq.
4. Ualimut nukarliup Ameraliliarnissaa pillugu ataatsimiinnitsinni iluatangaarpunga FRIEND-p ataatsimiinnitta nalaani iggakkamisigut, ernikka paaralugit uanga naggataamik nipilersoriartussaagama.
5. Nipilersoratta nalissaqanngilaq. Nipilersukkat uteqattaarlugit naggataatigut pikkunangaarmat imminut tupatsillunga taamak nipeqarsinnaagama! Pikkusungaarama uummatiga tillerululluni sajukulaarlunga, nipera tusaallugu sunaaffa taamak nipeqarsinnaallunga!