Marlunngorneq Julip 21-iat ukioq 2009

1. Ullaaq nikallungakujullunga imminullu ajukkutikujullunga aallartikkaluarlunga misigissuttima eqqartornerini qaangeriartupallappara. Qujaqaanga oqaasinngortitsisinnaagama ilunniillu anisissinnaagakkit akueralugillu.
2. Ullup qeqqanut ikinngutiga suleqataalu neriartoqatigigakkit nuannivippoq, sila seqinnermat silami issialluta.
3. Aallakaatitassiannut tunngatillugu ilimagisanniit annerusumik angusaqarama ilorrisimaarutigeqaara.
4. Ullumi kiisami mobilera sapaatit akunneri marlunngulersut qaangiummata katannikuusama kortiata taartissaa pisiarinikuusara Telep ikikkamiuk sunaana taamak nunamut tuallannartigisoq!
5. Aqagu suleqatinnut neriartoqqusaagama paarsisussarsigama, nalunagu ernikka toqqissisimanartumi nuannisarfigisassaminilu tukkussasut