Pingasunngorneq Julip 29-iat ukioq 2009

1. Ullaaq uffaqqaarlunga uagutsinniit anigama iluataatigeqaara. Anilluta Ullorissap aperileriallaraanga: "Anaana qaqugu siallissagami?", tassalu Nuuk sap. akunneri kingulliit seqinnarittaqattaangaarmat. Inequnaq Nuup silavia maqaasilersimagunaraa.
2. Ippassaq aqqaluara unnukkut pulaarnikuummat iluarisimaarpara takugakku ikioqatigiillutalu pilersaarusioratta nuannivippoq. Pissangaammerneq pigaara, eqqaallugu siorna kissaatigisarlugu tusarnaartitsineq angorusullugu massakkullu piviusunngulerluni, nuanneq kissaatigisaq piviusunngulersoq
3. Suliffinnut atatillugu malugaara inuttut imminut tatiginerulersimallunga inuit nalittut isigilersimallugit ittoornanga tunuarsimaarnanga anneruniarnangalu pissusilersorsinnaagama, malugisinnaallugulu inuit naapittakkama nuannarisaraanga. Ilumut iluaq!
4. Ullumi kammaga sivisuumik pulaarnikuunngisara pulaarakku nuannivippoq, qamuunalu eqqissiallanneq misigalugu.
5. Uagutsinni igagama aliannaavippunga. Qangamita iluamik uagutsinni igagama pingasuinnaalluta nerilluta.