Sapaat januarip ulluisa 17-niat ukioq 2010

1. Ulloq manna eqqissiivilluta pigatta iluarusoqaagut tamatta.
2. Eqqissiivilluta nereriarluta uffariarluta pisuttuaratta silaannarissarluni iluaq! Seqinermit qinngorfigineqarluni nukissanik tunisinneq malugaara.
3. Ualimut pulaartoqaratta nuannivippoq. Pulaartorput nukappiaraq qerititsivitsinnik marsersimasoq pikkoringaarluni ersarissumik piumaffigaara qerititsivipput ammartassanngikkaa. Killiliineq illikkarnikuullugu iluaqaaq.
4. Qangarsuarli anguniagaq ullumi angugatsigu iluarusoqaagut. Ernima angutaanniit pinngussat taakunnaannikuusagut aagatsigit ernigut pinngussaminnut qangarsuarli takusaminnut takorniorlutik, soorluli nutaanik pinnguartaaginnallartut, malunnarlunili pinngussat taakku pinnguarisareeramikkit naleqarnerulaarlutik.
5. Unnummut aqqalaura neriartoqqugakku nerisagut mamat! Qujanartumik ernikka aamma nerilluataaramik

Arfininngorneq Januarip ulluisa 16. Januar 2010

1. Ullaaq makiaakannerama assut imminut iluarisimaarpunga, makikkamalu ingerlaannangajak ullaakkorsiorlunga.
2. Taquassioriarlunga pikkoringaarlunga ernikka timersoriartikkakkit nuannisaqaagut. Ulloriaq angusaqaqattaarluni ajugaasimaarutigisaminik, uangalu pikkoringaarlunga malugalugit inuttaaraa kajumissaarluarlugu. Angajua aamma allanik pikkoriffeqarluni aamma paasitittarlugu.
3. Meeqqat timersoreersut pisinniarfimmukaratta ernikka isumaqatigiffaarillugit malunnaqaaq ullumi oqimaaqatiginneq iluavissoq atoripput. Naalaffaarillutik, uanga annerususim piumaffiginngikkaluarlugit.
4. Unnummut ikinngutikka pingasut malititsillu uagutsinnut neriartoramik iluataqaagut. Makkulorujooq neriulluataarlutalu.
5. Ikinngutiga alla kingusinnerusukkut aggerami aamma oqalussuataarluta sorpassuit piiarlugit, aah iluaq!