Malrunngorneq Novemberip ulluisa 24-iat ukioq 2009

1. Ullumi angerlarsimaqqikkatta iluavippoq. Piffissaq kingulleq ulapiinnavinnikuugama assut iluataatigaara angerlarsimaannartarnerput ernikka ajornaqaat nuffannerat iluatsillugu. Qujanartumik perulunnginnamik quersukujullutillu milinngasoorlutik.
2. Taamaannera iluatsillugu uanga sinittaqattaarujoorama assut iluatappunga qasuiimillunga, malugisinnaallugit timinni sukattooqqajaaneera qituliimisoq.
3. Qujanartumik ernikka imak angitigileramik sivikitsumik kisimiissinnaallutik, ullumi pisinniarfilerigama iluataatigeqaara ilaginagit.
4. Ullumi tamatta siniffinnut pilluta tuterujoorluta immitsinnut sammerujooratta nuanneqaaq. iluataarartukasiullutik asaneraqattaarlunga, ajornaqaaq pilluarneq annertoq!
5. Kiisami iluarsaassillutalu asaagama sunaana taamak iluaallannartigisoq! Qangami angerlarsimaffipput ipiinnguarsi, asulumi aamma errorsivik marloriartinnikuullugu tamaasalu manereerlugit, aatsaaat taamak iluatannartigisumik!

Ataasinngorneq Novemberip ulluisa 23-iat ukioq 2009

1. Ullaaq ippassaammat Ulloriaq kissarneqarnikoq aallajangereerluta angerlarsimaannassalluta sinissutaaratta iluaq!. Unnuaq Inumineq nuuleriallartoq aperiganni sinnattupilussimalluni oqaluttuartikkakku inuunngoq inoqatini nerigaa sinnattorisimallugu, iggu! Uanga pikkorigersuataarlugu oqaluttuussinnaammanga nammineq pigiinnarnagu. Asu oqarfigaara qujanarmi sinnattuinnaasimammat anaanamullu nuussinnaagavit eqeriarlunga asanerarlunga.
2. Ulloriaq-assit siulliunni iterami angajuni itersarpalukkaa tusarakku qaaqqoriarlugu eqerujussuarlugu tutsiukkakku asu sineilerpoq-. Iggu nuanneq qanilleruuloorluta tuterrattorsuulluta taamak ataqatigiinnerput malunngavissumik tamavitta iluatattorsuulluta.
3. Ullut kingulliit iluamik nukissaqarnikuunanga assut tukakkatta aallarteriarfissaaruttaqattaaraluarlunga ernima uparuaiarmanga asu atisat ernima tunissutisiarinikuusaat immikkoortitserpakka atisanillu pigiunnaagassaannik piiaallunga. Angusara assut annertuvoq, siatuasionilu atisat naammasseriarakku assut imminut iluarisimaarpunga.
4. Unnummut sungiusariartussaallunga ernikka nalunaarfigigakkit anisussaanerarlunga aperigamik kina paarsissanersoq assut tanngapput illooqqama paasissammagit, ingerlaannaq avaalaarlutik, asu Inumineq oqarpoq namminerooq Pipaluk asagamiuk. Uanga qujarsuataarlunga inummik taamak asanartigisumik illooraqarama.
5. Unnummut sungiusaratta nuannivippoq pikkoringaarlunga piffissaq aggianngikaasut tusangiasaarnanga soorlu s´pisorpiamut tulluarsarsinnaaneq ilikkalertorlugu asuut imminut iluarisimaarpunga. Naliginnaasumik inuit inortuisut arlaatigut oqarifigisussaagalualugit, imlt. isiinnannik apuutsivigisussaallugit unnuk manna taamaasiunnginnama imminut iluarisimaassutigaara