marlunngorneq Augutsip 25-niat ukioq 2009

1. Ullaaq ernera nukarleq meeqqanukaallugu oqarfigileriallaraanga; "Anaana marluuvugut" taava uanga aperigakku nuannarineraa nuummiiorpalungaaluni akeerarluni "oor" qalloorakasini qummoorteruloorlugit qungujorujussuarluni. Nuanneq kisimeeqatiginera nuannaralugu oqaasinngortikka.
2. Ullumi suliffinni suleqatiga kukkullunga oqarfigisoorlugu paasigakku tunuarsimaariarlunga orneriarlugu utoqatserfigigakku assut imminut pikkorigivunga, qujanartumillu utoqatsernera kusanartumik tiguaa.
3. Ualimut ernikka angutaata aammagit ualeq kisimeerujoorama aamma nuannivippoq, eqqissiivillunga iluarsaasserujoorlunga, igarujoorlunga nipilersukkanik tusarnaarujuujutaa.
4. Ernikka angerlarmata angutaanut iluaaatsumik misigigama imminut iluaagilernanga nuanniilliorlunga qisuariarama allóriarsimallunga malugaara, siullermit taamak misigigaangama qisuarinarneq ajorlunga piffissaq sivisooq sunnertitsimaartarama iperaasinnaaneq ilikkariartuaarnera paasilerlugu imminut nersorpunga.
5. Nipilersoriartussaagama ernikka ikinngutinnit qangali paarsisumit paaritilermata nuannareqaara, ernera nukarleq paaritikkusunngikkaluaq torrallallugu sammilluarakku oqaloqatigilluarlugulu qimaleranni pikkoreqaaq. Anilerama ernikka piumaffigigakkit paarsisuminnut naalassasut, nipilersoreerluta uterama pikkorissimammata qamuuna pilluaammerpunga qujamasullungalu ernikka pikkorissuummara perorsarluarsimallugit.