Sisamanngorneq Decemberip 24-uait ukioq 2009

1. Ullaaq kiisami suna tamaat naammassillugu innarpunga. Ernima inaat nissiaqqat pinnersarsimagaat, orpik pinnersarnikoq, nateq saniiarnikoq, pequttat ilaat ininut allanut inissititernikut kiisalu unnugumut igaassat qaqereernikut.
2. Iterama ernikka taqqamani orpik kaavillugu angajuata nukkani erinarsuummik ilitsersuuppalukkaa, ilumut nuanneq taamak ataqatigiitsigisunik qatanngutigiinnik erneqarluni.
3. Ullup ingerlanerani eqqissiivilluta pigatta, ulaap tungaa kisitta, ilaanni puiaasarluta, ilaanni immikkut sammisaqartarluta.
4. Ullup ingerlanerani inuit uagutsinnut isillattaagamik ernikka pajullugit assut tuppallernarpoq malugalugu qanilaarfigineqarluni.
5. Unnummut nuannisaqatigeqaagut juullisioqatigut. Arnaalluta iganitsinni meeqqat imminnut sammerujoortut, angutitagut tavattut makkulorujooq. Suna tamarmi eqqissisimanarsuataarluni ulapputtoqarani, tassami uagut nammineq juulli qanoq ittuussanersoq paasilluarlutigu pingaartorsiorneq anguniarnagu, eqqissisimalluta nuannaarluta juullisiornissarput angugatsigu assut uannik nuannaartitsivoq