Marlunngorneq Julip 14-at ukioq 2009

1. Ullaaq itileriallarpunga taavaana qaajusugut. Inimut anillallunga Ulloriaq sofamut ingilluni mobilera nutaaq atorlugu nipilersuutinik tusarnaarujoortoq, uanga tupaallassuataarlunga paasisinnaasimammagu qanoq isilluni nipilersuut aallartissanerlugu, uangalu erinarsornera ujarsimagamiuk tanngattukasiulluni unnersiorluni erinarsornera nanisimanerarlugu. Tanngannera takuinnarlugu tulluusimaavarartoq, sisamanik ukiulik nammineq appisimaartoq, ajornaqaaq inortuigaluarluni nuannaajuummernarluni taamak pikkoritsigimmat.
2. Suliffinnut apuukkama taamaallaaliuna ippassaammat isumaqatiginikuusara oqaloqatigigakku, nuanningaaramilu. Ilumut suliffiga nuannareqaara. Aallakaatitassiorama naartusut angajoqqaanngoqqammersullu sammillugit, ullormut anguniarakku angutinik aamma oqaloqateqarusullunga nikallujuillunga, itigaqattaartarlunga, Nuummi tarfillunga ujaasigama susaannginnera nuannaarutigaara.
3. Tarfininni pisinniarfinnguaq naasuerniaq iserlugu naasoq nuannarilluinnagara, siornatigut piginikuullugu toqusoornikup assinganik peqaleqqissimasut imminut pitsikkama nuanneqaaq. Neriuppunga una ullumi pisiara inuulluarnerutissinnaallugu. Nikallujuissuseq sapinnginnerlu pigilerlugit iluaqaaq.
4. Suliffinniit asoorama ernikka aariarlugit Najakkunnut neriartuutaa killortikkiartorama aamma nuannisalaavisoorpugut. Meeqqagut imminnut sammiuuluarlutik, nuunuutaat sammillugu, ullup aappassaa iggattilluta, nutsakka killortillugit kiisalu kaagisorluta.
5. Angerlamut apuukkatta arfininngormalli opvaskemaskiina iaaginnagassaasoq, siuleriikkallu ikioragassaannut eqiagileqattaarnikuullugit imminut piumaffigeriallaataa suliarillugit aallartikkakkit, ilumut sunaana taamak misigisaq nuannertigisoq isigikatannikuusat eqiagersuataarnikuusat naammassillugit suliaralugit! Naammassigama imminut nersualaakutsoorpunga.