marlunngorneq Augutsip aqqarngat ukioq 2009

1. Ullaaq sinilluataarnikuullunga iteqqammerlunga silamut pujortariarlunga eqqaamiorput nukappiaraq ataatsimik ukiullip ilassiartoraminga igg inequnaq. Malugisimassagamiuk nuannarilluarneqarluni tunuarsimaanngiivilluni asu uagutsinnut iserpoq. Angissuseerarsua nuannigaarami nakkutigisassaalaarluni. Uanga ernikka ila allinermit nakkutigisassaarpianngivikkamik. Pulaartorput arnaata neriumannginnerarmagu misilillugu nerisikkakku nerilluangaarami, qamuuna qujamasungaarlunga nerimmat.
2. Ernikka imminnut aliikkusersoriarmata uanga sofamut innaamiannguarlunga gilmore girls isiginnaarujoorakkit nuannivippoq.
3. Qangali anguniagara angusupajuugakku ernikka ilagalugit timersoriarama. Qangali timersoriarama qasunarigaluarlugu tunniutiinnarnanga ingerlaannarama imminut nersualaarpunga, ilumut angusaq annertoqimmat, qaamamtit arlallit uninngariarlunga aallarteqqikkama, taali.
4. Timersoreerlunga uffariariarlunga ernikkalu tavarujooratta nuannivippoq silanuanneqimmat angalaarujooriarluta iganissara kajumerinnginnakku asu neriniartarfimmut neriartorpugut. Nuanneq qangamita pingasuinnaalluta neriartoqatigiikkatta. Ulloriaq aamma iluataammerluni uannut sarliartilluni sivisuumik eqisimaarluta asarujooratta ilumut pilluaammernaqaaq.
5. Ullumi anilerluta qipiit aneersinnikuugakkit innarnissara pilerinaq silaannarissarnikut qiperisussaallugit.

Arfininngorneq Augustipqulingat ukioq 2009

1. Ullaaq inortuilersorigaluarlunga angumerisassara angumerigakku nuanneq.
2. Ullup ingerlanerani ernera angjulleq meeqqerivimmi naggataartoq eqqaallattaallugu kingumut qiviartarniarlungalu inissisimanerput naammagisimaaqaara.
3. Erninnguakka ukioq manna feeriaqatigiinikuunagit asoorama feeriaqatigilerpakka. Pilersaarutiginngikkaluarakka piumasaqarfigimmannga arlaatigut piviusunngormat ilunngaarlunga pilluarpunga.
4. Ualimut igallunga ernikka aneersut piumaffigigakkit paasiteqqullunga sumi aniissanersut nalunaarfigeqqullunga nalunnginniassagakku sumi aassanerlugit. Neringajalerluta aagaluarakkit taamak. Ujaraluarakkit ujaraluarakkit kiisa ernumalerpunga. Qujanartumik aqqalussama, uagutsinnut neriartuutaa, nassaarigamigit angerlaqquneqaraluarlutik nuannisangaramik piumanngitsut aasariaqarlugit. Imminut pikkorigivunga ersarissumik nalunaarfigigakkit annilaangasimanerarlunga kamaallugillu naalakkumanngimmata ingerlaannaq imminut iluareqqusaarnanga.
5. Unnummut Torluullu sungiusaratta ataqatigiissaarisussamillu pissarsigatta nuannivippoq, assilisillutalu, naa inuuneq pissanganaq!