Ataasinngornq Julip 13-at ukioq 2009

1. Ullaaq Ulloriaq makereersoq Inuminerlu eqiasulluta mobiili itersaasoq kinguartitaqattaarlugu sineqqilaaqattaaratta nuanneq! Nuannisangaaratta Ulloriaq innaqqilluni eqeruloorluta tutilaarluta.
2. Suliffinnut iserama inuit immiunnikuusakka ingerlaannaq killorlugit aallartikkakkit naammassipallallugit. Tupinnaqaaq ilikkajassusera, nammineq tupaallaatigalugu. Nipilersuutitassaai nammineq fade-rtalersorlugit ikkussuullugit.
3. Nuannareqaara aalajangerama kalaallisut allanniarlunga. Eqqarsaatigilerlugu aamma sooq qallunaatut allassanerlunga uffalu kalaaliullunga?
4. Ualimut ernikkalu Angumut assilisikkiartoratta nuannisavisoorpugut. Iggattilluta, assilisilluta allaat pannakaaliuuttilluta. Isersimaarfippullu inuk saamangaarami eqqissisimanangaarami ernikkalu toqqissisimaarluta. Nuanneq taamak ittumik ikinnguteqarluni.
5. Angumiit angerlaarluta sila siallernikuulluni qiianarani anorsaartoq silaannarik nuanneq! Ulloriarli-aasiit siulliuniakujulluni allorissaavararluni inequnavilluni pisussuataarluni, uffali angajua kusserngit tamaaviisa aqqutigisariaqarlugit, aqqutillu allanartut alapernaalluni aqqutiginiartarai apuutipallanniassagatta nangartariga. Pilluarnaq erneqarluni peqqissunik, assilisillaqqissunik, anileeraangamik qujasartunik minnerunngitsumillu inequnarluinnaqqissaartunik!