Pingasunngorneq sepmteberip ulluisa 16-at ukioq 2009

1. Imminut nuannaartippunga ikiortissarsiorsinnagama akisussaaffimmillu avitseqateqarsinnaagama. Ippassaq ernera angajulleq angerlarsimaqatigigakku ullumi angutaata angerlarsimaqatigaa. Imaallaat nukarleq aamma tikinnikuulluni eqqissisimaaqqaarluni meeqqanukarumaarpoq.
2. Sulifinni oqaloqatiginiakkannik itigaqattaaraluarlunga nikallujaallunga suliaqarsinnaagama iluavippoq. Ullormut naammassiniakkakka sinnerlugit angusaqarama darjlu!
3. Ullumi suliffinni nutaamik ilikkagaqarama aamma imminut naammagilaavissorpunga. Ilikkarakku teknikereqarnanga telefonikkut apersugaqarnissara. Assut ajugaasimaarlunga misigaanga, piffissaq sivikitsuinnaq atorlugu taamak ilikkagaqarsinnaagama.
4. Ullormut qasseriarlunga kukikka meeraallungali kimmartarnikuusakka massakkut tallisitakka qiviartarnerpakka imminullu nuannaartiummertarlunga. Qangamita taamak takitigigamik!
5. Unnuk manna atuarfimmut ataatsimiigiarama nuannivippoq, angajoqqaaqatikka pinnguaatinik assigiinngitsunik pinnguaqatigisarniarlugillu angajoqqaat sinniisaannut ilanngukkama. Asulumi atuartuutima titartartasimasai takullugit ineriartornera ersikkami, iggu pikkorik!