Arfininngorneq Augustip 31-iat ukioq 2009

1. Ullaq nakorsamut sinaerama sivisuumik utaqqinissara ilimagiagluariarlugu sivikinaaqaara.
2. Ernikkalu angerlarsimaannaratta Inumineq siuserimmat iluataqaagut.
3. FRIEND-nip tulaavigigaatigut iluarilluinnarpara. Maanga isertuarluni ilagiuarluta naa iluaq.
4. Ataataga tikittoq aqqaluaralugu uagutsinnut neriartoramik iluaq qanigisanik ilaqarluni. Oqaloqatigeerujoornitsinni ataataga oqaluttuullugu paasileqaara pilluavissorlunga inuunera naammageqqissaarlugu. Ilumut inuunera nuanneq!
5. Unnuk manna ikinngutiga qangali oqaloqatigisara oqaloqatigigakku iluaq. Soorlu sunarsuaq katattoq

Sapaat Augutsip 30-niat ukioq 2009

1. Ullaaq itileriallarpunga ernikka tukkusortillu makissimallutik nuannivimmik pinnguaqatigiippalutut. Nuanneq nuannisaqatigiippaluttut.
2. Tukkusorpullu nerersuaaratta manninnik siatsilluta, baconilerlugit huuhhhm mamarsavippugut, sivisuumik issialluta makkulorujuutaa.
3. Nukappiaqqallu aneeratta sissamut angalaarfiusinnaasut tamaasa aqqussarlugit, kalaaliaqqamilu nerisassarsinniarluta. Kalaaliaraq qimakkatsigu tuttut nikkuinik mamakalaarluta, sunaana taamak nuannertigisoq!
4. FRIEND paarsisussaammat iggakkakku taateraanik mamarsavippugut. Qangamita kalaaliminernik igagama, taamalu mamartigisut akikitsigisullu kalaaliminiliornerusariaqarlunga siunnippara.
5. Unnummut nipilersoratta sivikinaarlugu naammassigatta arlaliulluta uagutsinnukaratta, pattattorput inuuissiormat lagkagiliikkakkit, erinarsortoq erinarsorfigalugu tamatumalu kingorna allagartarsualiorluta ikioqatigiilluta, aamma nalissaqanngilaq angusaqarnermik misigisimanerup iluatannassusia