Tallimanngorneq Augutsip 21-iat ukioq 2009

1. Ullaaq ernera angajulleq nammineq atuariartortarusummat ilinniartitsisua isumaqatigaara ullut siulliit apuussimanersoq nalunaalaartassasoq. Ernera angisuunngortoq tapersersortariaqarlugu paasivara uanga piareersimalaartariaqarlunga iperarnissaa ullaakkut tunniukkiartortarnera.
2. Suliffinnut apuukkama pissangalaarpunga ullormut angusassakka tamaasa angussanerlugit, suliassakka sinnerlugit suliaqarama tímminut misiligarlunga killissannik ujaasilaarlunga, tassuuna pissanganartorsiorneq ujartorlugu. Qangamita pissangamisaarama alianaak.
3. Suleqatinnit tusarnaartartunillu nersualaartittuarneq suli pissassaatigeqaara, misigisimallunga ajunngivissumik ingerlallunga.
4. Naammassiniarnermit kingusissukkut aningama, qujangaarlunga angorusutakka sinnerlugit angusaqarlunga anigama, naliginnaasumik sapaatip akunnerata ingerlanerani naammassisassarigaluakka ullut marluk ingerlanerini naammasigakkit.
5. Nukappiaqqamik angilaartumik tukkusoqaratta nukappiararpassuillu nuannisavissorpugut. Igagama mamarsaallutik, nerereerluta sofami sisamakasiulluta isissiaarralluta sikutulluta oqalorujoorluta talent 09-lu isiginnaarlugu