Sisamanngorneq Decemberip ulluisa qulingat ukioq 2009

1. Ullaaq kiisami erninnguara peqqissinikoq assut iluatappunga ullaajummalli nammineq makinnikuullutik nerereersimasut makikkama. Iluaq taamak allitigisut imminnut isumagisinnaasarlutik.
2. Suliartorama suleqatikka alianaaqaat. Suliassakkalu iluatilluataavillugit ingernaannaq naammassillugit, qujanartumillu nukissasqarlungarlunga suleqatiga aamma ikiorsinnaallugu.
3. Asoorama ernima takunissai qilanaareriilillugit, ajornaqaaq ullut kingullit talllimat ilagiiginnaavinnikuulluta qimaqqalaarlugit maqaasinarnermit.
4. Angerlaratta sunaana taamak iluartigisoq ingerlaannaq nereriarluta sofami tuterujoorrakkatta tamatta tæppe ataatsimoorullutigu pagten isiginnaarujoorlugu eqiasorujooqatigiilluta. Asu Ulloriaq siniliinnarmat siniffianut nuuginnarpara arfineq marlunngoqqajanngitsoq.
5. Unnumut angusaqangaatsiarpunga. Malugilernikuugakku angutinik ikinnguteqarnanga, arnaanavinnik ikinngusersortarlunga, piffissarlu kingulleq malugisalerlugu aamma ernima pisariaqartikkaat angummit sammineqalaartarnissartik. Unnummut angut ikinngutigerusutara qisuariarfigaara, tamannalu uannut angusaq annertoqaaq. Tupakunarluni tunuarsimaarfigigaluaraanga uanga toqqarpara siuariarnera maluginiarneruniarlugu pikkoreqigamami qanoq iliuuseqarsinnaagama...

Pingasunngorneq decemberip ulluisa qulingiluaat ukioq 2009

1. Iluamik qasuersimannginnama aappaatigut qujavunga ernera suli peqqiilliormat angerlarsimagatta.
2. Ullumi ullup ingerlanerani arriitsuaqqamik iluarsaasserujoorama iluavippoq. Nukappiaqqat inaat, igaffik, uanga inera, tukaasivillu.
3. Ullup ingerlanerani akuriuminaatsikkaluarlugu sulinnginnera facebook assut iluaqutigaara, ugguuna statusopdateringimi allatara inunnit qisuariarfigineqarmat. Naak inuit tamakku allattartut najunngikkaluarlugit, arlaatigut inersimasoqatinnik pissarsisarnera iluarivittarpara.
4. Napparsimasuutiga ullup ingerlanerani qiimmalerpoq ajornaqaaq, imaallaat nukkani qiimangaaqisoq aamma pinnguaqatigaa, nukaatalu assut iluasilluinnarlugu. Ernikka iluarusukkaangata uanga nammineq ilorrisimaarneq aamma misigijuarsinnarpara.
5. Unnummut kiisami qangarsuarli ataatsimiigiarnikuullunga ataatsimiigiarama aqqutissara ajunngitsoq atorpara, inuuninnilu siuariaatigisartakkakka eqqumaffigileqqillugit qujanartumik. Assut imminut nersualaarpunga