Pingasunngorneq Augutstp tallimaat ukioq 2009

1. Ullaaq ernikkalu uffaqqaarluta, errortat ikkuteqqaarlugit taneqqaarlungalu anigatta iluataqaanga.
2. Ernikka meeqqanut qimariarlugit apersuiartorama oqaloqatigisakka nuannivipput. Suliffinnukalerlunga angerlarsimaffipput aqqutaaniimmat asu errortakka maniartoqqaapallappakka allanillu ikkussillunga.
3. Ullumi suliffinni ningiuunersatta nersualaaraminga assorsuaq imminut iluarisimaarpunga.
4. Asoorama ikinngutigut initaarnikut iseriartoratsigit iluarsaassisut ikiorlugit nereqatigalugillu. ilumut qutsannaqaat ukiorpassuit sumi tamaani inisimasuusarnikuullutik initaaramik namminneq pisattaminnik pequtsersorsinnaallutik. Qutsassininnik ikinngutiga tanngassaaqattaarlugu tanngatsivissortarlugu, taamak samminera nuanneq.
5. Upernaaq aanaga maanga tikeraarluni naasuutinnik piumanikoq tuninngitsoornikuullugu, ataatama aqagu Sisimiuliarnissaa iluatsillugu nalunaarfiginagu naasussaanik nassartilerakku neriuppunga nuannarissaagaa, uanga iluareqaara arlaannik iliuuseqarama nalunagu aanaga nuannaartissallugu