Marlungorneq Februarip ulluisa aappaat ukioq 2010

1. Ullaaq erneerakasiikka nammineq piumassutsiminnik uffartupajuugamik pikkorigalugit tanngassimaarutigaakka.
2. Angajulleq atuarfianut qanigatsigu malugaara nuannarigaa, nukaatalu imminut ilinniartitsisumut ilisaritinnera inequsuutigingaarakku assut pilluaammerlunga
3. Ullumi FRIEND-ip appamik nutaarsuarmik tunigaminga NUANNERNERSUA NALISSAQANNGILAQ!
4. Assit tallimanngornisat arlallit takugakkit paasisutut eqqippara peqataaffigisara tupinnalaartorujussuarmik pikkusunnartoq.
5. Unnummut anga HOA pulaarujoorami iluaq

Ataasinngorneq Februaip aallaqqaataat ukioq 2010

1. Ullaaq iluatangaarlunga itersaatiga itersaasoq ilerasunngingaarlunga qamippara, nalunagu inortuissagaluaruma pinngitsoornanga itersarneqartussaallunga.
2. Iluavippoq timmisartoq ilaaffissarput kinguaattuulaarmat, imaallaat aanaap iseqqippara aallannginninni.
3. Ullut kingulliit qatanngutinnit ataatannit arnaataaniilu qanilaarfigineqarnera assorsuaq iluaraara qujamasuutigalugu.
4. Assut pikkorippunga nipilersoqatigisanniit akisussaaffiiaananga imminut isumagitikkakkit.
5. Angerlamut apuulluni iluaq!

Sapaat januarip ulluisa 31-iat ukioq 2010

1. Ullaaq sininniartuna ernuttakka pinnguarlutik iseqattaartut inequgeqaakka imminnut oqaluupalunnerat tusartarlugu. Aakasiit inequnat!
2. Sinivataarnikuullunga itileriallarpunga qasuersimallunga, sukaqqasoornera qaangiussimasoq.
3. Ullumi assut imminut iluarisimaarpunga aanannut iseriartorama, ilaserigaangalu kaffisoriartoqatigalugu.
4. Ualimut pikkoringaarlunga erinarsoqatiga inuuissiortoq kaffisoriartorfigigakku nuannisaqaagut.
5. Unnummut pulaartut tamarmik anereersut angajoralu makkulorujoratta assut pikkunartumik pilluaammerneq misigaara amigaatigalu suusoq paasillugu; tassa qanilaarfigitinneq. Asaneqarluni (qitornaniunngitsoq) malugalugu naliitsuuvoq
   

arfininngorneq januarip ulluisa 30-at ukioq 2010

1. Ullaaq eqiasunnanga makikkama iluarisimaarpara.
   
2. Aallanngitsooratta pisoq ingerlaannaq akueralugu pigama pakatsiumminngilangaluunniit.
3. Ilaqutamaarneq iluavippoq, asulumi maani Sisimiuni ilagutagut nipilersoqatigut tamaasa qanilaarifigamikkit. Tikilluaqqusaaneq iluaq!
4. Unnummut susituukkatta mamat!
5. Unnuk inuit ilagisagut immitsinnut aliikkusersorujooratta nuannisavippugut. Uanga imminut tunngatillugu malugaara begejstring misigerpiaq ajulersimallugu. Iluarisimaarpara imminut eqqumaffigisinnaagama, allaat malugisinnaallugu sunerlunga
   

Sisamanngorneq Januarip ulluisa 28-iat ukioq 2010

1. Ernikka ullaakkut pikkorittarnerat assut tanngassimaarutigaara. Ullaaq sinnartoorama atuartuutiga inortuisillugu pikkoringaarlunga imminut anaatarnanga sinnartoornera akueralugu atuartuutiga atuarfimmut apuuteqqaarlugu ilinniartitsisuilu nalunaarfigeqqaarlugit qanoq pisoqarsimanersoq qimapparput.
2. Kiisami suleqatikkalu ataatsimiinnginnitsinni nalunngereerlugu suut sammissanerlugit ataatsimiigiarama imminut iluarisimaarpunga.
3. Sulifgfitsinni suliatsinnik paarlakaattaleratta assut ullaaq manna ataatsimiinnerput iluarisimaarpara, misilittagartuumik ataqqinnittumillu kusanartumillu pissusilimmik suleqateqalaaleratta.
4. Ullumi angut ataaseq oqaloqatigisara ilumut igguungaarmat iluarisimaarpara angummik taamak pinnertigisumik isersimaqateqarlunga.
5. Ualimut ernera nukarleq allatsikkami iggu inequnaq, nammineq atini atsiorlugu ima UL, ilaa inequnaq????

Pingasunngorneq Januarip ulluisa 27-iat ukioq 2010

1. Ullaaq kingulliaqattaalaarama iluavippoq.
2. Kingulliaqattaaraluarlunga nereqatigeeqqaarluta, uffaqqaarlungalu anivugut inortuisoqarnata.
3. Ullumi ilanngutassiariniarlugit isumaqatigiissutikka ilai iluatsinngilersut malugilerlugit ingerlaannaq nassaassarsiorsinnaagama torrallaavunga.
4. Ernera nukarleq aqagu atualernissaminik allatsilersoq atiata allannissaanik ilinniartikkakku taii pikkorik! Anaanani tanngassimaarteriilippaa.
5. Ullumi ilanngutassiara assut pikkunarsoraara, arlaatigullu angusaqarluartutut misigisimallunga

Marlunngorneq Januarip ulluisa 26-iat ukioq 2010

1. Ullaaq itersaat ataasiaannarluni itersaasoq makikkama imminut iluarisimaarpunga.
2. Asulumi anguniagara angoqqikkakku, tassa meeqqat nereqatigigakkit. Naliginnaasumik kingusinaarlunga makittarama makikkaangamalu tuaviinnaq meeqqat isumagisarlugit, ullaaq manna eqqissiivillunga isumagigakkit iluavippoq.
3. Iluallaraangami qanoq iliuuseqartarluni, soorlu suliffinnut tunngatillugu suliassannik iluatsittigaangama tallikka qummuulaarlugit.
4. Ullumi suliassagut kingusissukkut aatsaat piviusunngorsinnaammata Maanngulu tavalaaratta iluaq.
5. Unnummut taamungaannaq igagama, naak eqiagingaaraluarlugu, imminut iluarisimaarpunga