Marlunngorneq Septembearip ulluisa 29-iat ukioq 2009

1. Ullaaq iterama eqiasussorigaluariarlunga iterluariarama ippassamut naleqqiullugu saammarsimagama assut nuannaarpunga. Erninnut ippassaaq sorraaqqajaanikuullunga ullumi ajunngivimmik ullaaq aallartipparput Inuminerlu piffissaqarluarluni inortuilerani anilluni.
2. Ulloriaq meeqqanut ingerlaaqatigiinnerani aamma taannaarakasik isumagissaarluni makkulorujoortuarami aqqutaa tamaat, ilumut taanna nukappiaraq oqallorinnermik poqernermillu inequnarnera nalissaqanngilaq.
3. Ullumi sulileqqaarama imassaalerigaluarsinnarlunga qujanartumik ikiortissarsiorsinnaagama suleqatikkalu isumasiorsinnaagakkit nutaanik isumassarsiassarsivunga.
4. Inoqatikka ullumi asattuuttaqattaarneri imminut iluarineruneta malunnarsivoq, ippassamut naleqqiullugu.
5. Ullumi kiisami iluarsaassigama ernikka ikiortisiullugit, ajornaqaat pikkorinnermit piumaffigigukkut soqutiginniararlutik piumasakka suliarisarlugit.

Ataasinngorneq Septembearip ulluisa 28-iat ukioq 2009

1. Kavaajara ukioq ataasiinnaq atornikuusara qujaqaanga nutaamik singissartulersissimagakku, imaallaat iluavimmik qiianarsinerani oqorsaatissaqalerpunga.
2. Ullaaq suliffinni oqaloqatissara nuannivimmik oqaloqatigigakku nuannivippoq.
3. Nutaavimmik misilitaqarlunga isiginnaartitsisartut misiliisitsisut peqataagama illaqattaarlutalu pigatta nuannivippoq.
4. Ernera angajulleq aagakku ullaaq aaqqiagiinngissuterput qaangersimagaa maligassiorlugu isumalukujunnera tunuarsimaartikkakku iluaraara.
5. FREIND ilagalugu neriartoratta iluaq