Tallimangorneq Novemberip ulluisa sisamaat ukioq 2009

1. Ullaaq qangamita ernikka ullaakkorsioqatigigakkit oqaloqatigeerujoornerput nuanuvippoq. Ullut kingulliit eqqartullattagatsigit juullimut suut kissaatiginerlugit. Erninnut uanga kissaatigigakku erneqassallunga pikkorissunik naalattunik ernima angajulliup uparuarlunga taamaattumik kissaateqarsinnaannginnerarlunga, tassa takorlooramiuk kissaatigisaq tigussaasuusariaqartoq. Saniani nukarsuta kaumissaaleriallaraanga biilinik juullimut kissaateqaqqullunga, ajornaqaarooq biilertarluni nuannernermit. Suliffima biilli paarillattaagakkit iluarusuttarnermit issersuup ataani pisugata biileraangatta.
2. Paarsisuma isinnginnerani tamavitta pieriivilluta, uanga assut ilorrisimaarlunga uanga nammineq isumagigakkit, erneralu angajulleq nammineerumasoq akuerigakku assut imminut iluarisimaartoq malugalugu nuannaarutigaara.
3. Suliffinni suleqatiga marlunnik ilanngutassiortussaagaluaq immiussaateqareerlunga oqilisaassukkaku tamatta ullup qeqqanngitsoq naammassereerluta, naa iluaq! Qangamita asuujaaratta!
4. Ataasinngorpat uanga freerumagama akuerisaallungali iluatassamaaqaanga, ajornaqaaq piffissaq kingulleq ulapittarnikuunermit ernima angerlarsimaqatiginissai assut qilanaariuummertarlugu.
5. Unnummut tusarnaartitsereerluta suleqatikka julefrokostertut ornikakkit nuannisavissorpugut. Ajornaqaat suleqatit aliiikkutaralugit aamma nuannertarnermit