Ataasinngornq Julip 27-iat ukioq 2009

1. Ullaaq tupinnartuliorlunga makiaarama, aammami friendiga aallartussaq inuulluaqquniassagakku. Naliginnaasumik itersaat taamannariarlugu itersaateqqaarlugu makittaraluarlunga ullaaq itersaammaat, taamaallaalliuna makikkama. Iluaqaaq ullaakkut piffissaqarluarluni.
2. Angajuga ikioqqunikoq ikiorakku imminut iluareqaanga. Nuannivikkami angajoralu immitsinnut ikioqatigiittaratta.
3. Sapaatip akunnerara naanissaanut aallakaatinniakkannik isumassarsigama iluaqaaq, misigigalunga eqquilluarlunga aallakaatitsilerlunga.
4. Asooreerlunga ernikkaa aareerlugit sila nuannerpallaaqimmat taquassioriarlunga sissamut iffiartoriartoratta nuannisavippugut. Taamaaseriarluta angajulleq amisunukarusummat tappinukannaratta arrinata, pissanganarsinnaasut suut tamaviisa aqqusaartorlugit. Amisunut apuukkatta nukarleq qallorniarluni ikiortariqartaraluatoq angajuata pikkoringaarluni siunnersoramiuk ilikkartittupajuullugu. Taamaallaalliuna nukarleq tanngassimaalerami. Nuannaarutigeqaara ernikka ataqatigiilluarmata imminnullu kaammattoqatigiilluartarmata.
5. Angerlamut apuukkatta eqqaaleqaara ullormut errosereersimallunga, erruivik ullaaq anitinnanga aallartereersimallugu, aah iluatakkama!