Ataasinngorneq Januarip ulluisa sisamaat ukioq 2010

1. Ullaaq makinnissannut tunniutiinnaqqagaluarlunga qujanavimmik kammama sianerfigimmanga soorlu nukissaneriasaarlunga soqutigineqarlunga ikiorneqarama.
2. Anguniagara ullaaq anguara, tassa ernikka ullaakkorsioqatigissagakkit, anguniakkamik angusaqarluni nuanneq!
3. Uagutsinniit anilerama assut imminut iluarisimaarpunga errortassaasivik imaangajavikkakku qimakkakku. Ullut kingulliit errortassat amerlasoorujussuit errortiterpakka manisivinniillu peeraangakkit ingerlaannaq imoortitereertarlugit.
4. Ullumi peqataaffigerusutara inuit ikippallaat nalunaarsimanerat pissutigalugu taamaatiinnarneqaraluartoq kimigiiserlunga inunnik kajumissaarigama piviusunngoratarpoq! Aatsaat taamak nuannertigisumik kajumissaarinera tigulluarneqartoq.
5. Unnummut-aasiit errortalereqqikkama ullullu kingulliit eqiagileqattaagara oqorutima qalilersornissai angullugit. Nuannivimmik qiimmakkiartorlunga misigaanga malugisinnaallugu eqqarsaatikka imaattut: I´m a DO`er, not a could´a should´a would´a

Januarip pingajuat ukioq 2009

1. Ullaaq ernikka makimmata nerisassaanik isumageqqaariarlugit kingulliarama iluavippoq.
2. Tupigeqaakka ernikka taamak pikkoritsigimmata! Kingulliartunga fjernsynitaatsinni spillerniarlutk namminikasik AV2-mut pisinneramikku, nippatsinneq ajulerlugu aatsaat itersaraannga. Kia angus...
3. Ullumi errorsisaqattaarama sunaana taamak oqiliallannartigisoq, asulumi aamma igalaat silataaniit salillugit.
4. Ualimut ernikkalu anigatta iluaq pisuttualaaratta silaannarissarluta.
5. Ernikka innartillugit iluallaraangamik. Innarunik, aparneqarunik, asaneqarnerarunik gonaatteerneqarunillu tassa, tusarfigeqqissanngilakka, aatsaat aqaguani iterpata. Pikkorissuutikka!