Pingasunngorneq septembearip ulluisa 23-iat ukioq 2009

1. Ullaaq anilerlunga ernera nukarleq itermat apaqqaarakku anitinnanga qamuuna iluaallaatigaara.
2. Suliffinni imminut iluatatsillunga ullaakkorsiorama mannittorlunga nuanneq.
3. Ullup qeqqanut katuami nerillunga inuk oqaluuppiarnikuunngisara issiaqatigiakku erneeraluk nuannisaatigeqaara.
4. Suleqatikka ullormut nuannareqaakka, ingammik qanimut suleqatigalugu suleqatigiinniarnitsinni soorlu immitsinnut nassaariartuaalerluta.
5. sulingaatsiareerlunga angerlamut apuukkama qujavunga ernera angajulleq suli eqqumammat, imaallaat tusaasoq asanerarpara