Arfininngorneq oktoberip ulluisa 24-iat ukioq 2009

1. Ajunngitsuliortup nuia malugaara. Anaanaqatiga inuuissiortitsisoq ikiorakku itiinnaavillunga ernikka tukkutsuallu ullaakkorsiorteriarlugit kaagiliuullugu kaffisortitsinissaanut, innartinnangalu aamma arfininngormat kingullermit kaffisortitsigama kaagit qeritissinnaasut qaqinnikuullugit iluatattitsinera uannut aamma ilorrisimaarnermik tunniussivoq.
2. Kaffisoriartorfissaq siulleq tikikkatsigu niviarsiaraq inequnaffaarik oqaloqatigigerujoorakku iluavippoq pikkoringaaramilu ikorluninga. Iluaq paasillugu arlaatigut oqaloqatigiissinnaanermik piginnaaneqarluarlunga allaat niviarsimaraq qulingiluanik ukiulik sunik tamanik oqaluttuartissinnaallugu.
3. Ulapaaruttorluta illooqqaannut apuunnerput nuannaraara pisarnertullu, aamma nuannarilluinnakkannik ajaga piareersaasoq aamma ikiorlugu nuannivippoq.
4. Atuartuutima angajoqqaaqatikkalu aaqqissuussigatta atuaqatigiit fiistertillugit ingerlalluaqaaq nuannisarralluta, nerrilluta, qittalluta oqaloqatigeerujoorlutalu.
5. Unnummut ullormut suliaqangaatsiaraluarlunga ilorrisimaarutigaara nukara aamma imusaqqaarakku