Sisamanngorneq Julip 23-iat ukioq 2009

1. Ullaaq ernikka isumagisussaanagit itersaatikasik kinguartittaqattaarlugu siniga marmarsisiinnarlugu, isumagisassaqannguarnanga. Asulumi suliffiga qanimmat arfingeq pingasunut tanneq aqqaneq makikkama atisalerama anigama inortuinanga, ILUMUT ILUAQ!
2. Sapaatip akunnerata aallartinnerani imminut qularikujunnikuullunga, arfininngorpat aallakaatitassanni filmiliortut sammigakkit, filmimillu aaqqissuisut tusagassiortunik oqaloqateqarusugatik. Tamanna tunuarsimaassutigileraluarakku. Sapaatip akunnerata ingerlanerani, Nuummi angalaartaqattaarlunga, filmimut ilaasunik inunnik immiussillattaariarama, ullumi immiussakka killoreerlugit katinneri takullugit paasilerpara, sinnerlugit peeqarlunga.
3. Aallakaatitassiannut nipilersuutinik ujaasigama nipilersuutit qangarnisat tusarnaarlugit nuanningaarmat nalissaqanngilaq.
4. Asuluunniimmi aamma inuit immiunnikuusakka nuanernermit. Misigisimasaminnik oqaluttuarnerat kinaassusaannik saqqummiillutik, huhmmm suliffiga nuannareqaara.
5. Ernikka maqaasilillarlugillu meeqqanut aallugit ilukkut iluaallannarpoq takummaallugit, taakkulu takummaasut.