Arfininngorneq oktoberip ulluisa 31-iat ukioq 2009

1. Ullaaq kingulliarlunga sinissuataarsoralunga makikkama sunaaffa aatsaat qulingiluanut qiteqquttoq. Nuannaajuummerama ernikka eqiasullunga nereqquinnarnikuusakka namminneq nerisimasut takullugu. Asulumi ippassaq kage nerisara inaalinngitsoorsimagakku attorneqarsimanani, aatsaat makikkama aperipput pisinnaanerlugu. Uanga pikkorigiuummingaarakkit eqeruloortariaqarlugit nersualaarujussuarlugillu.
2. freeriaratta nuannivimmik eqqissiivilluta perujooratta, ilaanni pilukalertarniarluta asuli perujoorluta illaqattaartarniarlutalu, aah dejlu pilluarneq misigeqaara.
3. Uffaratta iluatsillugu uffarfik asakkakku oqiliallannaqaaq ilorrisimaarnarlunilu.
4. Ualimut kaffisoriartoratta aamma nuannivippoq inuit naapitagut oqaluuterujoorlugit.
5. Unnummut aataa, farmor anga hoalu uagutsinnut neriartoramik nerilluarsuaarluta ernikkallu ila ajornaqaat inuit akornanni akuullaqqinnermit, uanga pikkorissuutikka nittarsaatiinnaavillugit asangaarlugit pikkorigingaarlugit

Tallimanngorneq oktoberip ulluisa 30-iat ukioq 2009

1. Ullaaq nuannaarutigaara napparsimasortaarussimalluta uagutsinniit anisinnaagatta. Ernera angujulleq pinaanniakujukkalaurtoq torrallallugu perorsarakku imminut pikkorigivunga.
2. Suliffinni FREINDip ilaginera ilumut perfekt. Ullormut asoornissaata tungaanut immitsinnut qimanngiivilluta ilageerujoorpugut, naak ilaatigut immikkut suliaqartaraluarluta.
3. Suleqatigullu pujortaqatigiittartut immitsinnut samminerput nuannuvippoq illaqattaarluta pigatta. Anillaleriallaratta anguterpassuit naliginnaasumi pujortartarfitsinniittut uagullu arnaannaalluta oqquartami pujortaattut. Taava angutit allat anillammata asuleerlugit angutinukaqqugatsigit oqqttuussaarnerput tissinaqaaq. Angutit paasinngitsuusaartarluta mandskimik oqalunnginnatta...
4. Ualimut ernikkalu tarfigatta nuannivippoq. Ilumut ernikka oqaluulluartarakkit oqaluukkuminarneri iluarisimaaqaara assullu qamuuna pilluaammissutigisarlugu.
5. Imminut DVD-sissukkama asanninneq sakkortooq pigineqarsinnaasoq eqqaasinneqarama nuanneqaaq. Siunissamut neriullualerpunga upperalugulu asanninneq misigeqqikkumaarlugu