Ataasinngornq Julip 20-at ukioq 2009

1. Sulininnut tunngatillugu oqaloqatigerusutannik itigaraluarlunga imminullu nangaatikkaluarlunga angalaariarama inunnik ulluinnarni oqaluunnavianngisannik oqaloqateqarama soorlu sunarujussuaq angullugu. Uumaak suliffiga nuannersigaluttuinnaavippoq!
2. Isumassarsimaga aamma aallakaatitassiarisinnaasannik, isumassarsiaralu suleqatinnut saqqumiukkakku tigulluarneqartorujussuulluni. Inuuneq pissanganaq.
3. Malugigakku qulartarnera uniffigiinnarunnaamillugu imminut assut iluarisimaarpunga.
4. Angerlaratta igaatigalunga multitaskerama sorparujussuit angullugit, aatsaat ilumik imminut iluariliinnaraangama.
5. Pingaaruteqartorujussuarmik angusaqarpunga, ernikka kiisami sinittarfeqatigiunnaarniarlugit aallajangerama. Nerilluta isumasiorakkit angajuata ingerlaannaq ajunnginneraramiuk nukaata angajuni isumaqatigiinnarlugu. Innaramik Ullorissap piumaffigaluninga oqaloqatigeqqaassagiga asarujooqqaassagigalu. Qamuuna qujamasunneq pigalugu ilinniartissimagakku ersarissumik piumaffigisassagaanga ilikkarsimammagu. Ilumut asaqaakka nukappiaqqat taakku, piareersimaffigalugu innaruma sinaarpalunneri tusaanaviarnagit maqaasilaarumaarlugit.