Tallimanngorneq januarip 15-niat ukiqo 2010

1. Immernermik ilinniarnera assorsuaq nuannaraara. Ajornaqaarluunnit ilinniartitsorput aamma inuk asanarnermit! Maannakkorpiaq avanersuarmiutut inngerneq ilinniarparput, tassa avanersuarmiusoorlugu immerneq. Erinnat atortakkavut arlaatigut qangali soqutigisarsimagakkit ilikkalertortarpakka assullu imminut pikkorigisarlunga. Something I´m good at!
2. Suliffinni suliassakka isumannaajaarakkit assut iluarisimaarpakka.
3. Ullumi ernera ingerlaannaq atuareeraangami ornittakkani ornissimanngimmagu sianerfigimmannga assorsuaq ernumaammerpunga asaqigakkumi ernera arlaannik ajutoorsimaqinammat. Ujarnerani pikkoringaarlunga isummakka iluarsaappakka piareersarlunga nassaarigukku naveerniarnagu misigisannilli oqaluttuunniarakku. Qujanartumillu erngerlunga nassaaringakku oqaluuppara misigissutikka aallaavigalugit, imatut inuttaa ajorinagu paasitilluguli iliusaata qanoq misigitinneraanga piumaffigalugu taamakklioqqissanngitsoq. Taamak iliornera eqqortuusoraara imminullu nersualaarlunga naviiginnarnagu ataqillugu pissusilersorfigisinnaagakku.
4. Aqqaluannguara iluavippoq ullut kingullit ernikka paarisaramigit. Assut iluaqutaagunarpoq utoqqatserfigigakku, ilimagaarami taamasiosimanngikkuma piffissaq sivisooq uagutsinni takusimanaviarnagu.
5. Unnummut naggataarallarluta inngernermik ilinniaratta unganaqaaq, qujanartumilli mikrofonera nassarakku immerutit atortakkavut immiukkakkit nammineq sungiusartarniassagama