Sisamanngorneq Januarip ulluisa 21-iat ukioq 2010

1. Ullaaq itileriallartunga erneerakasima nukarliup innarfigigaanga. Aah sunaana taamak iluartigisoq qipinnut pulateriarlugu eqilluta tutillaratta! Malunnavissorluni atassuterput qanilaarnerpaaffissaminiittoq uummatitta kassunneri malugeqatigiillugit.
2. Qangamita taamak makiaartigigama allaat ernikkalu tamatta uffaqqaarluta anigatta tuaviortoqarani tuavisaarisoqaranilu. Asulumi anguniagara ullumi piviusunngortikkakku, tassa anitinnanga ullaakkorsioqqaarlunga.
3. Suliffinnut apuunnera aamma assut iluarisimaarpara, tassa ullut kingulliit marluk aninerpiarnikuunganga inuit akornannut pinera assut iluaralugu.
4. Ualimut angerlaratta iggaseriarlunga atuartuutiga atuakkerisassalik atuakkereqatigigakku assut imminut nersorpunga, tassami siullermit sungiukkuminaatsikkaluarakku atuakkereqatiginissaa, malunnarlunilu taamatut tapersersorneqarnini assut iluarisimaaraa. Saniani nukaa-aasiit kisimi soorlu pisussaq. Tulleriiaarujoorlugit qalipaaqatigillattaagakkit qasseriarlunga Ullorissap nersualaarnerpaanga, a´aas anaan´pikkorittutit! Iggu!
5. Aqqaluannguara-aasiit unnummut isersimaartuarami iluavippoq. Neriarluta nerriviiaagami oqalorujoortarniarlutalu filmertarniarlutalu, iluaq