Pingasunngorneq Novemberip ulluisa 25-iat ukioq 2009

1. Ullaaq kiisami ernikka peqqissimisimammata angajulleq atuarfianut qanillugu atoriartortikkatsigu nukaalu nuannaarutigaara. Qangamita atuarfianut qanigakku!
2. Ullumi immiussisaqattaarninni iluatitsilaavippunga, qujanartumik inuit arlallit immiukkakkit, sunaaffa suleqatima oqaoqatiginiakkani tamaasa itigarai. Saved tomorrows program, ajorpiang.
3. Malugiivippara ullut kingulliit angerlarsimaannarsimanitsinni iluaqutigingaartisiarsimallugu, angerlarsimaffipput toreq ipiik, angerlamut apuulluni iluaq.
4. Asulumi ernikka aamma naalaffaarinnermit, malunngavimmik pisariaqartitatik tamaasa pisimallugit uanniit. Iluallaraangami tassani inissisimalluni.
5. Spontaniungaarluta, alli iggasereerlunga aallajangeriasaaratta Katuamut Karius aamma Baktus isiginnaariassallugu ernikkallu nuannisavippugut iffianik taqusserluta