Sisamanngorneq Oktobarip ulluisa 22-iat ukioq 2009

1. Ullaaq anitinnanga ernera nukarleq tupaamisoq aparakku asanerarlugu byermanga qamuuna pilluaammissutigaara. Qujamasunneq misigaara anaanaanerup pilluarnarnera ullut tamaasa ullormut arlaleriarlunga misigisarakku, ilumulli akeeraraangaminnga tunissut uannut angeqaaq.
2. Aallakaatitsigama nuannerluinnarpoq ittuttinnillu nersualaarneqarnera tigulluarlugu imminut nersorlunga.
3. Iluavippoq naammassiaarama asuujaarsinnaallunga. Ernima angajulliup ornittagaani angajoqqaat ataasiakkaartikkaat oqaloqatiginnikkiartorama nersualaaqaat ernera nuannivimmillu oqaloqatigiilluta, uangalu paasissutissarpassuarnik aamma pillunga ornittagaanut tunngasunik.
4. Marloorujoortorsinnaratta nuanneq. Angerlaratta eqqissisimaarluta nererujooriarluta uanga sofami sinngusalaarama iluavippoq ernera aamma iniminut pilluni eqqissisimaarujoortoq.
5. Unnuk manna Torlut korissai isersimasorigatsigit nuannivipput inuit nutaat naapillugit illaqattaangaatsiarlutalu nuannisavissorpugut