Arfininngorneq Augustip 24-iat ukioq 2009

1. Ullaaq Inuminip piumasaa ataqqigakku imminut pikkorigivunga. Narsarmiutamiittaleramili nammineq taakunnarusuttartoq uanga piareersimannginnama iperarnissaanut. Tallimanngormat isumaqatigiikkatta ullumi nammineq atuariartussasoq. Animmat silatitsinnut pilluta apuulluarnissaa qularnaarusullugu marserujoorakku atuartuunini nuannaringaaramiuk arpaannaq iseriartorluni tarrimmat uanga qamuuna misigalunga annerlunga ernima angisuunngornera paasilerlugu iperartariaqarlugu ataqqillugu nammineernerulernera.
2. Suliartorama allakaatitassannut piareersarujooriarlunga Silamiunut takutitsilaartut alakkarakkit aallakaatitassaralu ulikkaartussanngorlugu immiussigama oqaloqatikka nuannivipput, taakanngaanniillu aningama suliffima nuannarinersua migisilerakku ullup sinnera qungulaarutigaara. Ilumummi suliffiga nuanneq!
3. Allakaatitassama aappaanut isumassarsigama aallakaateriikkama nanginneratupajaaq issinnaasumik imminut isumassarsininnut nersualaarpunga.
4. ualimut ernikkalu tarfilluta ernikka ilumut ingerlaqatigalugit nuanit. Arpasaqattaarlutik pigamik ikaarfissanngoraangallu pikkoringaarlutik utaqqeqqissaartarlunga. Taamaasillunga siumorpara ernera angulleq kussineralmmut buddistitut nissuni paarlatillugit ingissimalluni seunngerluni assani buddistit qinusarnerattut ilillugit tikini kulluminut attuutsillugit sequnngerluni utaqqerujooraanga. Takugakku qitutsiliivillunga; ilumummi taanna aamma nukappiaraq iliuuseqariasaartarami quujanavissunik.
5. Unnummut ilaquttakka qaniginerpaasakka tulleriiaallugit telefonikkut oqaloqatigillattaagakkit iluaqaaq. Ataataga, nukara, angora aanagalu. Tamaasa ulluannik tusarniaaffigalugit, taamaasillunga qanilaarfigalugit. Asanninneq taakkununnga misigitillugi misigalugulu iluaqaaq.