Tallimanngorneq Julip 24-iat ukioq 2009

1. Erninnguakka aasaq manna feeriarnikuunatik ullaat tamaasa angerlarsimaannarusuttartut pikkoringaarlunga nassuiaattarpakka suliartussagama meeqqanukassasut. Ullaaq aamma mininnagu. Paasilerpara pikkorillunga nassuiaalluartarakkit, taamaasillunilu ajornanngivissumik qaangertarlutigu.
2. Ullumi eqqarsaatersuutigigakku aqqalussannut attaveqarnera. Siullermit naalagaaniarfigisarpara oqaluttuuttarlugu qanoq iliornissaanik. Ilageqqullunga naalakkertarlugu. Ullumi paasileriallariga eqqarsarlunga "Ajunngilaq inuusunnini atorluareeruniuk meeqqiuleruni qanilleqqikkumaarpoq". Nuanneq iperarlugu naalaagaarusussuseq. Nalunngilara asagaanga, uangalu nalunagu taassumatut ukioqarnikuullunga, taamanilu uanga aamma ilaquttakka qanigisakka qaninnagit, aatsaalli meeqqiulerama qanillineroqqillugit. Paasillugu akueralugulu suna tamaak massakkorluinnaq pisariaqanngitsoq sunaana taamak oqiliallannartigisoq.
3. Suliassakka naammagisimaarlugit naammasiaariarama sulisitsisora isumaqatigeriarlugu asuujaarama ernikka aajaarakkit nuanneq. Ullorissap ullaaq piumaffigigaminga aajaartikkusulluni piviusunngortillugulu nuannaavararluni aaganni tanngavataarluni sanimukanneq saalluni iseerakasiminik qissimillunga sorluni pullaamillugit, igg inequnavataarluni. Angajua pasitsalluni anillakkami qitaasarluni nuloorakasini (nulooraajunnaalersut) sanimut aalatillugit ammooqattaajutigaluni erinarsualaarluni. Ilumummi taakku asanat! Qujanaq inuuninni asanninnermik misigititaagama.
4. Angerlamut apuukkatta errortaleripallakkama sunamita ajorpa. Angusaqarsimanermik misigisaq ilorrisimaarnarnermit.
5. Unnugu kammassuaralu ikinngutigalu qitigiassamaarpugut nuannerunaq.