Pingasunngorneq Julip 22-iat ukioq 2009

1. Ullaaq aninnginnitsinni ernikkalu uffaratta iluaallak isumagisassamik naammassisaqareerluni uagutsinniit anilluni. Ernikka unnugu tukkusussaammata nerilluta oqaloqatigereerlugit nalunnginniassammassuk qanoq sivisutigisumik takunnginnissarput qularnaarlugu.
2. Aallakaatitassannut inunnik marlunnik pissarseqqikkama nuannivipput oqaloqatigisakka, aappaa naluuikkakku oqaloqatiginera nuannersuataarluni. Ilumut suliffiga nuannarigaluttuinnavippara, suli pissanganarsiartuinnarluni.
3. Asoorama ernikka aasussaanagit angerlarama errortassat imoortitigassat qimaajunnanngimmata sofamut innaamiannguarlunga qipittorlunga asu innarama Sex and the city-lu nangillugu, nalungagu igannguassananga.
4. Suleqatinnut qaaqqusaagama arnarrooriartorlunga naasunnguanik nammineq sorlanissigannik pajukkakku nuannarimmagit eqqorluarsimallugu iluataatigaara.
5. Arnarrooratta nuannivippoq illaqattaarluta oqaluttuaqattaarlutalu, angerlaramalu nerisassanik nassarnikuullunga inisimasora aamma nerilluataarluni, nuuaann!